A señorita Bubble (INFANTIL E XUVENIL - SOPA DE LIBROS - De 10 anos en diante) - Tapa dura

Biografía del autor

Ledicia Costas (Vigo, 1979) é unha das escritoras máis traducidas e recoñecidas da literatura galega. Na colección Narrativa publicou os relatos de «Un animal chamado néboa» (2015), Premio Losada Diéguez, e a novela «Infamia» (2019). Tamén é autora de diversas novelas de fronteira, como «O corazón de Xúpiter» (Xerais, 2012), Premio Neira Vilas; «Recinto Gris» (Xerais, 2014); «Jules Verne e a vida secreta das mulleres planta» (Xerais, 2016), Premio Lazarillo, Premio Gala do Libro Galego e White Ravens; ou «A balada dos unicornios» (Xerais, 2018), obra coa que gañou por segunda vez o Lazarillo, así como o Premio Kelvin 505 á mellor novela xuvenil orixinal de 2019. En 2014 recibiu o Premio Merlín e o Nacional de Literatura Infantil e Xuvenil por «Escarlatina, a cociñeira defunta» (Xerais, 2014). É autora de títulos tan emblemáticos como «Esmeraldina, a pequena defunta» (Xerais, 2016) ou «A señorita Bubble» (Xerais, 2018), Premio Gala do Libro Galego.

Andrés Meixide (Vigo, 1970). Deseñador e ilustrador. Colabora habitualmente coa TVE Internacional como realizador de decorados e cabeceiras de diversos programas. A súa obra como ilustrador está publicada en diversas editoriais. Foi premiado no ano 2006 co White Ravens. En Xerais ten editados os seguintes títulos: «O patadón», «Cando os animais falaban», «Xan e Pericán», «O tesouro da lagoa de Reid'Is», «Tarzán de goma», «A señorita Bubble» e «Xelís, o guieiro das botellas de mar». É coautor, xunto con Pere Tobaruela, da serie «Formig4s» dirixida ao público infantil, que xa conta con cinco títulos publicados.